أقولكم سر يا بنات ؟!! الرجاله خوافين !!

والدي قالي في يوم ياد ياحمد انا عندي ليك عروسه انما ايه .... كده مؤدبة و بنت ناس و على زوقك -- قلتله وماله المهم روحت والدها قابلنا هو صاحب والدي على فكره و شوية و هي طلعت لقيتها جميله فقلت في سري ماشي أدي نقطه أما تتكلم بقه علشان نشوف عملالي فيها مكسوفه بقه و هتمثل انها مفكراني جاي علشان سامع ان الشاي بتاعهم حلو ولا هتتصرف على اساس انها عارفه اني جاي اشوفها وهي تشوفني ----- بصراحه فجإتني لقيتها بتضحك و بتتكلم و لبقة و ذكية داخلة تشوفني زي منا كنت داخل اشوفها المهم --- قلت ادي كمان نقطة المهم تقدروا تقولوا حبينا بعض من لحظتها --- خطبتها --- اتجوزتها من شهر و نص تقريبا و من اسبوع كده لقيتها بتقولي انا حامل رسمت ضحكة كبيرة و فرحه على شفايفي و انا قلبي بيصرخ و يقول يا مااااااااااااااااااااااااااااااااماااااااااااااااا ااا تحاليلي يامّا ( عايز اترمي في حضن امي واعيط ) --- متشيليش حاجه يا حبيبتي ولا تتعبي نفسك اندهيلي لو عايزه تشيلي حاجه وانا اشيلهالك ( دا اللي كان ناقص ) --- سرحان في ايه ياحمد ؟؟ انا ابداً ولا حاجه ( ياترى اللي جاي ده هعمل معاه ايه ؟؟ - يا ترى هعيشله ؟؟ - يا ترى ...... ايه اللي انا بفكر فيه ده سيبها لله يا عم --- بس انا خايف ازاي عيل هيربي عيل ؟؟؟ أه انا عيل بس من بره راجل ---- اممم احسن حاجه ابويا وامي يربهولي ) انا ابداً ولا حاجه ---- هي بقه ما شاء الله يعني انا عرفت ليه الام ربنا وصى عليها كده آلام و تعب وهناً على وهن زي ما ربنا قال فعلاً بس تحس انها خايفة على ابنها اللي لسه نطفة اكتر من اي حاجه تانيه في الدنيا --- تقدروا تقولوا كده اني بدأت اغير --- أي راجل في الدنيا لما بيوصل للمرحله اللي انا فيها دي بيبقى خايف و مش بيبقى عارف يفكر لفتره مش عارف هو فرحان ولا قلقان ولا فرحان ولا قلقان ولا سايبها على الله ولا ولا ولا ---

أمي قالتلي في يوم ياحمد يابني ملكش دعوه بيه انا زي ما ربيتك هعرف اربيهولك

على فكره الموضوع ده حقيقي اتمنى انكم تفهموا حاجه